最近有一位韓國小姐喺Instagram 爆紅，事關佢嗰樣真係好靚！靚到被人稱為小全智賢，甚至話佢係亞洲最靚嘅面孔！佢叫高允真，係一名平面Model，人氣一路都唔錯，但佢喺instagram post咗側面相，有唔少網民覺得佢超似全智賢，因而爆紅！再望下佢啲正面相，又唔係好似全智賢，不過都係一個女神！不過有韓國網友突然post咗張相，話係高允真嘅中學時期嘅樣 ！雖然有人指呢個並唔係高允真，但亦都有人好快推翻，搵咗張佢大學時期嘅相做比較，網民從佢嘅卧蠶睇到，佢真係整過容！原來佢以前係學霸嚟！畫畫仲相當叻！不過因為樣衰所以俾人欺凌，佢都非常自卑，所以佢家人都支持佢整容！一開始佢揀咗醫院嘅標準套餐，整完之後靚咗好多，之後入咗大學現代美術系！大家都開始願意同佢做朋友！大學時期，佢好專注喺藝術方面!其中一件作品仲俾韓國一間美術館收藏！讀藝術嘅關係，佢嘅審美標準唔同咗！所以佢同佢個整容醫生講想重新整容！佢仲自己設計咗自己想要嘅面。佢嘅畫功再加埋醫生嘅功夫，佢成功變成自己想成為嘅自己！之後佢返學途中，被星探發掘，開始佢做Model 嘅路⋯⋯有唔少網民睇完佢個樣都好想知整容資料！雖然大家對整容嘅接受程度都好低，現實歸現實，佢真係好靚！ 有人就覺得整容唔一定變膠面，只要好似高允真咁適可而止！不過網民都為佢嘅下一代擔心！ Source: Lihkg, [email protected]goyounjung
