有位巴打係連登呻，喺深水埗黃金話要部switch，店員一嚟就幫佢貼mon 貼，要收$380，巴打就諗住唔貼都貼咗，點知店員同佢講要買SD card ，呢位巴打就以為係無內存容量，所以就買埋啦，32GB 嘅SD card 又收多$380…俾人屈俾多咁多錢都算啦，仲未完㗎⋯⋯原來呢間恆進遊戲專門店收完錢啲態度即刻變到好差！巴打總共俾多咗$760，$380 係本身無諗住要嘅mon 貼，另外個$ 380係本身無諗住要、最後都收唔到嘅SD card…似乎呢間鋪頭都呃開錢⋯⋯唔同嘅討論區、blog 都有人講過中伏經驗！網民都覺得呢啲騙徒手法嚟！唔需要嘅嘢要企硬，唔好俾錢！ 當然，黑店應該都唔止一間⋯⋯喺黃金買嘢都係小心啲，上網做定多啲資料搜集先去買！Source: Lihkg
