DaDa陳靜挑戰新角色「大波蓮」勁過「爆炸糖」?
由彭浩翔執導的賀歲片《恭喜八婆》在上環舉行開鏡拜神儀式。顧名思義，彭導今次找來多位「八婆」參演，DaDa陳靜便是其中之一。問她本身可有「八婆」的特質？她笑言：「梗係唔似啦！邊有人話自己係八婆嚟㗎？不過喺戲入面，我絕對係做一個八婆嘅，係做一個性感嘅八婆。（有劇本未？）未，我淨係收到我個角色名啫，好神秘，你知彭導係好有才華嘅人，諗到咩就寫入去，而我今次就叫做『大波蓮』！」
DaDa在《恭喜八婆》的角色叫「大波蓮」，未知會否超越「爆柞糖」？DaDa謂：「劇本我仲未知，聽到呢個名我都大概知道係點，應該會係一個性感嘅八婆！」（梁碧玲攝）
「大波蓮」超越「爆炸糖」？
若將DaDa和彭浩翔兩個名字放在一起，粗略估計有8成人都會即時聯想起《低俗喜劇》，繼而就是DaDa在戲中的角色「爆炸糖」（其實她叫徐家欣）。雖然她當日憑此角榮獲金像獎最佳女配角，但她的角色的確很大膽，今次角色名稱叫「大波蓮」，DaDa憑此已預視到角色的設定，問她可會有底線？她笑言：「每個人都有底線嘅，（若觸犯底線，是否連恩師彭導都不給面子？）我會同佢講唔好囉！不過佢都無嘅，而第一日合作嘅時候我都同佢講過我嘅目標同抱負，大家會有默契。同埋佢好叻，佢可以說服到我去做一啲我以前未做過唔敢觸碰到嘅尺度。不過佢拍得到同一個角色嘅多面性，呢個先係人生嘅寫照，所以我先咁欣賞佢嘅才華。」
點擊下圖重溫下DaDa喺《低俗喜劇》嘅精彩片段：
